鲸鱼的资料

鲸鱼嘅后肢已经退化（除咗古鲸亚目之外）。前肢同尾进化成鳍，方便喺水中移动。有啲品种嘅背脊重有一个由皮肤做成嘅背鳍。鲸鱼嘅背鳍系无骨嘅。因水有浮力，佢哋嘅肋骨脆弱，又无外耳。鲸目动物脑部发达，好聪明。

其中抹香鲸个头有全身三分之一咁长，装住已知最大嘅脑，重达 7 kg[1]。而樽鼻海豚最聪明，佢哋嘅智商可以有三岁细路咁高。

分类 [编辑]界：动物界

门：脊索动物门

纲：哺乳纲

目：鲸目

亚目：古鲸亚目（绝种）

亚目：齿鲸亚目

亚目：须鲸亚目

保育 [编辑]大部份嘅鲸鱼都系濒危品种，有绝种可能。即系数量好少。因繁殖能力差，一胎只可以有一只，生长期又耐，好耐先可以成熟。加上人类嘅过量捕杀，生存机会就更渺茫。虽然好多国家都有设保护自己本土鲸鱼嘅组织，但系唔系自己领土就理都唔理。

目前，好少环保组织保护鲸鱼，得绿色和平、WDCS、IFAW几个。

国际绿色和平分部『海洋保护者』（Ocean Defenders）表示，人类同其他组织都唔明白保护鲸鱼嘅重要性。

喺香港，目前大约有 16 种鲸豚出现记录，除咗中华白海豚同江豚喺香港水域定居之外，其余大部分都系搁浅或者意外闯入嘅。所有海洋哺乳动物喺香港都受到法例保护。

捕鲸 [编辑]内文： 捕鲸

死咗嘅弓头鲸（Bowhead Whale）捕杀鲸鱼有分科研性捕鲸同埋商业性捕鲸。科研性即系用捉返来嘅鲸鱼来做研究；商业性捕鲸，系捉鲸鱼来食。

目前，国际捕鲸协会（International Whaling Commission，缩写IWC）已禁止一切商业性捕鲸，但日本、挪威同冰岛都用科研为理由捕杀鲸鱼，事实上系捉鲸鱼来食，即系商业性捕鲸。利用呢条法律罅（音 la3），日本总***成功捕鲸 41 次。

日本重用鲸肉来做学生嘅饭盒，想新一代嘅日本人食多啲鲸鱼，等日本啲鲸肉制作有钱收，惹起各生物学者同鲸鱼迷反感。

2006年1月，绿色和平企图出海阻止日本嘅鲸类研究所，鲸类研究所冇让步，用捕鲸船『第一京丸』（Kyomaru 1）重有『日新丸』（Nisshin Maru）同绿色和平撞船。『第二勇新丸』（Yushin Maru 2）向绿色和平嘅工作人员喷水，『勇新丸』（Yushin Maru）嘅捕鲸者用水同鲸血喷绿色和平嘅工作人员。因为烂船，绿色和平唯有去整船，令鲸类研究所成功捕获 845 条鲸鱼，其中有品种系受保护品种。

2006年11月15号，日本出咗 6 只前往南极嘅捕鲸船，准备捉 945 条鲸鱼，分别系 935 条小须鲸同埋 10 条长须鲸，又话好可能会捉 50 条座头鲸，但系，因为捕鲸船着火，未能如愿。

2008年，日本打算喺南极捉超过一千条鲸鱼，兼去埋澳洲海域捉50条就嚟绝种嘅座头鲸。澳洲强烈反对，日本就话澳洲歧视日本人，因为捕鲸系日本人嘅「文化」。日本各个机构成日话，捕鲸系日本人嘅文化，重话任何反捕鲸嘅人都系对日本人种族歧视，去到2008年更话埋澳洲歧视日本。[2]

参考 [编辑]Ocean Defender 绿色和平嘅分部之一，有新闻同 blog

Greenpeace Forum 绿色和平论坛，有鲸鱼讨论区

捕鲸电视频道 有影片同埋绿色和平嘅电视，包括撞船、捕鲸过程之类嘅影片

海洋澳秘 由国际绿色和平论坛坛主开嘅中文或广东话网站（主要观众系青少年，所以口气比较俗语化同简单）

保护海洋电视频道 有喷水喷血，反船环节

No Whaling Campaign 有中文版，内含鲸鱼同捕鲸资料，重有好多签名活动

延伸阅读 [编辑]香港海豚保育学会网页

《自然珍藏系列-鲸与海豚图鉴》ISBN 957-9684-16-2

《中国鲸类》ISBN 962-86278-1-3

《台湾鲸类图鉴》ISBN 978-986-7112-37-8